Новы рэліз Mourning Crimson - Night Serenade

Апублікавана 10 лютага 2013, 03:19 у Навіны

Праз тры зь лішнім гады зацішша, зьменаў у калектыве і рэдкіх выступаў, беларуская mystic metal каманда Mourning Crimson нарэшце завяршыла працу над матэрыялам, які зараз прапануе вашай увазе.

Па словах гурта: «Рэліз неаднаразова пераносіўся, матэрыял зьмяняўся і абрастаў новымі асаблівасьцямі, каб стаць у выніку такім, якім вы бачыце яго цяпер. Мы ніколькі не шкадуем пра выдаткаваны час ды сілы. Мы знайшлі тое, што шукалі, і будзем працягваць наш шлях з новаздабытым вопытам і пашыранымі поглядамі. Спадзяемся, што вынік нашае працы пацешыць вас і дасьць магчымасьць гэтак жа здабыць нешта новае».



Mourning Crimson выказвае велізарную падзяку тым, хто дапамог гэтаму рэлізу ўбачыць сьвет, і, на іх спадзеў, стаць новай старонкай у творчасьці гурта. А менавіта:

Night Serenade:
Дзьмітрый Мікуліч — зьвядзеньне, майстарынг, рэамінг
Пётр Ялфімаў — хор, запіс вакалу
Ганна Асаян, Ян Жэнчак — скрыпка

Alone:
Ганна Асаян — скрыпка
Дзьмітрый Мікуліч — запіс інструмантаў і вакалу
Ян Жэнчак — зьвядзеньне, майстарынг

Alone (кліп):
Сяргей Сургучоў — рэжысура, здымка, эфекты, постапрацоўка, мантаж

Таксама падзяка за дапамогу выказана Канстанціну Шарапе, Антону Тойменцаву і ўсім, хто быў побач і падтрымліваў Mourning Crimson.

Аўтарская спасылка на спампоўку матэрыялу: rusfolder.com/34800858