Духоўныя настаўнікі GODS TOWER вяртаюцца!
Апублікавана
у
Навіны
Красавік 2012 году прынясе, відаць, надзвычай радасную навіну для большасьці мэталістаў сьвету — легендарны гурт BATHORY абвесьціў аб сваім вяртаньні.
Супол BATHORY, заснаваны яшчэ на пачатку 1980-х, вядомы сваім неацанімым унёскам у разьвіцьцё экстрэмальнага trash metal ды стварэньне на яго аснове новай плыні — black metal. Акрамя гэтага, гурт адным зь першых пачаў стала выкарыстоўваць «паганскую» тэматыку ў сваёх песьнях, стаўшыся, такім чынам, пачынальнікам усёй плыні «паганскага» ды «вікінгаўскага» мэталу. На позніх працах 90-х гадоў каманда ўсё больш эвалюцыянавала да pagan doom metal, таксама зрабіўшыся эталёнам жанру.
Айчынным фанатам цяжкой музыкі ёсьць яшчэ за што дзякаваць гэтаму слыннаму гурту — менавіта музыка BATHORY давала натхненьне Лэслі Найфу ды Аляксандру «Музыканту» Уракаву, стваральнікам знакамітых і любімых многімі GODS TOWER. Для ўсёй творчасьці беларускіх «Багоў» менавіта BATHORY зьяўляліся своеасаблівым арыентырам, што асабліва заўважна на раньніх працах нашых суайчыньнікаў.
На жаль, у чэрвені 2004 году пайшоў з жыцьця заснавальнік і нязьменны лідар BATHORY, Квортан Сэт. На думку большасьці фанатаў, на гэтым гісторыя гурта мусіла была спыніцца. Аднак, як стала вядома зусім нядаўна, стары сябар і бліжэйшы паплечнік Квротана, Бос, абвесьціў аб адраджэньні швэдзкай лягенды.
"- Вядома, што абсалютную большасьць музыкі BATHORY ствараў сам Квортан, — кажа Бос, — і ў асобныя пэрыяды гісторыі гурта, гурта-та як такога і не было — ён існаваў у выглядзе праэкту аднаго чалавка. Таму, нам доўгі час падавалася, што адрадзіць BATHORY будзе немагчымым. Аднак, нядаўна ў архіве Квортана былі знойдзеныя невядомыя раней матэрыялы, музыка і тэксты, якія рыхтаваліся ім для новага альбому. І мы вырашылі, што ўсё гэта ня мусіць прапасьці. Праблему са складам гурта мы вырашым проста — да ўдзелу будуць запрошаныя тыя музыкі, якія ў розныя гады гралі на пастаяннай або сэсыйнай аснове разам з Квортанам. Самым важным пытаньнем застаецца мейсца вакаліста — ніхто пакуль не асьмеліўся замяніць голас легендарнага чалавека. Але, пошукі замены працягваюцца, і ў бліжэйшы час, я мяркую фанаты BATHORY зноў змогуць нас прывітаць! Hail the Hordes!"
5 каментароў